મોરલી વાજે રે મીઠી મોરલી

વિકિસ્રોતમાંથી
આના પર જાવ: ભ્રમણ, શોધો
મોરલી વાજે રે મીઠી મોરલી
પ્રેમાનંદ સ્વામી



મોરલી વાજે રે મીઠી મોરલી વાજે,
સાંભળને શામળિયાજીની મોરલી વાજે... ટેક

મીઠે સ્વરે મોહનજીની મોરલી ગાજે,
સાંભળતાને સૈયર મારું દિલડું દાઝે... ૧

આવે રે અલબેલો વીંટ્યા ગોવાળે ઝાઝે,
ગાતાં આવે ગિરિધર સુંદર સમાજે... ૨

મોરમુગટ કાને કુંડળ વરમાળા રાજે,
ધર્મકુંવર નીરખી કોટિ કંદર્પ લાજે... ૩

પીતાંબરની પલવટ વાળી છત્ર શિર છાજે,
પ્રેમાનંદનો વા'લો ચાલો જોવાને કાજે... ૪