રસિકવલ્લભ/પદ-૪૨

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૪૧ રસિકવલ્લભ
પદ-૪૨
દયારામ
પદ-૪૩ →


<poem>

પદ ૪૨ મું

કહેશ 'અવરનું વદ્યું ન સાચુંજી, વેદ કહે છે તે ક્યમ કાચુંજી? તો તું બંધાયો મુખ તારેજી, કશું પણ કહેવું ન પડ્યું મહારેજી. ૧ એક બ્રહ્મ ને બીજો વેદજી, સિદ્ધ કર્યો પરમેશ્વર ભેદજી; જ્યહાં ત્યહાં સત્તા ત્રણ બતાવેજી, તેહેમાં મહોટો દોષ એ આવેજી. ૨

ઢાળ

ગુરુએ બતાવેલું વ્યવહારનું લક્ષણ ત્યહાં આવે મહોટો દોષ એ, મન વચન તન જે થાય; પંડિત પુરુષ એમ કહે છે, વ્યવહાર તે કહેવાય. ૩ એ ત્રિસત્તામાં આવિયું, નથી પરસ્પર કાંઈ ભેદ; એ તરેહ ધોબો ઘેર છે, સમજતાં થાશે ખેદ. ૪

પ્રાતિભાસિક સત્તાની ખામી સ્વપ્નમાં જે જે વસ્તુ કાંઇ, નિદ્રસ્થ દેખે જંન; તે સમયે ભાસે તેહને, વ્યવહર સાચો મંન. ૫ તે સમે સાક્ષી બ્રહ્મ રહે છે, શ્રુતિ કહે સહુ કોઈ; વૈખરીનો વ્યવહાર આવો, ઈહાં પણ લે જોઈ. ૬ જાગ્રત સમય સહુ કરે છે, જે વિધિથકી વ્યવહાર; તે રીત પાછો સ્વપ્નમાં, દેખે સકળ સંસાર. ૭ એ વિધે સત્તા ત્રણમાં, ઉપજે છે વ્યવહાર; એ દયાપ્રીતમ બ્રહ્મ લગી, સંભવ ન સમજ ગમાર !' ૮

-૦-