હરિ વિના હિતકારી બીજું
| હરિ વિના હિતકારી બીજું દેવાનંદ સ્વામી |
હરિ વિના હિતકારી બીજું
હરિ વિના હિતકારી બીજું કોઈ તારું નથી... ટેક
પ્રભુ ભજ્યાનું વેદ પુરાણે કહ્યું છે કથી;
અક્કલહીણા આળસી બેઠો પામર તું પથી... હરિ ૧
માતપિતા સુત નારી બાંધવ, નહીં તારા સાથી;
અંત સમે તો એકલા જાવું કાં મરે મથી... હરિ ૨
સ્વારથિયો સંસાર તેમાં રહ્યો લથબથી;
સંતપુરુષની સોબત વિના શી થાશે ગતિ... હરિ ૩
અક્કલવંતા રાજકરંતા મૂઆ મહારથી;
દેવાનંદ કહે આપણે જાવું કહ્યું ઠેઠથી... હરિ ૪