હાં રે હરિકૃષ્ણ હૈયાનો મારે હાર

વિકિસ્રોતમાંથી
હાં રે હરિકૃષ્ણ હૈયાનો મારે હાર
પ્રેમાનંદ સ્વામી



હાં રે હરિકૃષ્ણ હૈયાનો મારે હાર

હાં રે હરિકૃષ્ણ હૈયાનો મારે હાર છે જી હો,
જોઈને જીવું છું સુંદર મૂર્તિ રે...

હાં રે મારા નેણાં તણો શણગાર છે જી હો,
અળગો ન મેલું હવે ઉરથી રે,

હાં રે મારું ચિત્તડું ચોરાણું એની ચાલમાં,
હાં રે હું તો વશ થઈ છું એના વ્હાલમા જી હો... ૧

હાં રે મારા ઉરમા ખૂંટ્યો છે છેડો પાઘનો,
હાં રે કાંઈ પાર નહી મારા ભાગ્યનો જી હો... ૨

હાં રે હું તો દાસી છું કૃપાનિધાનની,
હાં રે મને ચાવીને આપી છે બીડી પાનની જી હો... ૩

હાં રે દયા હેતનો ભર્યો છે અલબેલો,
હાં રે પ્રેમાનંદનો વહાલો રંગ છેલડો જી હો... ૪