આ તે શી માથાફોડ !/૫૫. એ મને ન ગમે
| ← ૫૪. તમને હોંશ થઈ | આ તે શી માથાફોડ ! ૫૫. એ મને ન ગમે ગિજુભાઈ બધેકા |
૫૬. બા, દાડમ આપને ? → |
એ મને ન ગમે
બાપા બાને વઢે ને બા બાપાનું મોઢું તોડી લે, એ મને ન ગમે.
બાપા બધાને રોફ મારે ને બા બિચારી કામ કરે, એ મને ન ગમે.
બા બેઠી બેઠી વાંચ્યા કરે ને બાપા ઘરમાં કામ કરે, એ મને ન ગમે.
બા મારી ભેર તાણે ને બાપા મને વઢે, એ મને ન ગમે.
બાપા મારી ભેર તાણે ને બા મને વઢે, એ મને ન ગમે.
બા બેન પાસે કામ કરાવે ને મને કહેશે પાઠ કર, એ મને ન ગમે.
બાપા બેનને રમાડે ને મને બધું કામ ચીંધે, એ મને ન ગમે.
બા બેનને વખાણે ને મને કહેશે ‘અળખામણો’, એ મને ન ગમે. બા મને ડાહ્યો કહે ને બેનને બા ગાળ દે, એ મને ન ગમે.