ઓખાહરણ/કડવું-૨૫

વિકિસ્રોતમાંથી
Jump to navigation Jump to search
← કડવું-૨૪ ઓખાહરણ
કડવું-૨૫
પ્રેમાનંદ
કડવું-૨૬ →


કડવું ૨૫મું
ગોર્યમાની પૂજા
રાગ :ઢાળ

બાઇ તું કુંવારી હું યે કુંવારી; સાંભળ સહિયર વાત;
ગોર્યમાની પૂજા કરીએ, તો પામીશું નાથ. (૧).

કોણ માસે કોણ દહાડે, ગોર્યમાની પૂજા થાય;
મને કરી આપો પૂતળાં, પૂજું મોરી માય. (૨).

ફાગણ વદ બીજના દહાડે, કરવું રે સ્થાપન;
ચૈતર સુદી ત્રીજના દહાડે, કરવું ઉત્થાપન. (૩).

ભોંય શય્યા પાથરી, સંદેસરાના ફૂલ;
પૂજી અરચી ઓખા માંગે, જે જે વસ્તુ અમૂલ્ય. (૪).