ઓખાહરણ/કડવું-૩૯

વિકિસ્રોતમાંથી
Jump to navigation Jump to search
← કડવું-૩૮ ઓખાહરણ
કડવું-૩૯
પ્રેમાનંદ
કડવું-૪૦ →


કડવું ૩૯મું
ચિત્ર જોઈ ઓખા વિહ્‌વળ બને છે
રાગ : ઢાળ

ચિત્રલેખાના હાથમાંથી, પેલું લખિયું પૂતળું જેહ;
પ્રેમ આણી ઓખાબાઇએ, ઝુંટી લીધું તેહ. (૧)

કરમાં લઇને કામની, કાંઇ દે છે આલિંગન;
માળિયામાં મેલી ચાલ્યા, પ્રાણતણા જીવન. (૨)

આણિવાર હું નહિ જાવા દઉં, મેં ઝાલ્યો છેડો;
મારા પિયુજી પરવરો તો, મુજને જલદી તેડો. (૩)

ચિત્રલેખા એણીપેર બોલી, સજોડે છે જોડ;
તે તો પહોડ્યા દ્વારકામાં, આ તો ચિત્રામણના ઘોડા રે. (૪)