કુસુમમાળા/કોયલનો ટહુકો

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← શિયાળાનું એક સ્‍હવાર કુસુમમાળા
કૉયલનો ટહુકો
નરસિંહરાવ દિવેટિયા
મધ્યરાત્રિયે કોયલ →


[રાગ સોરઠ, તાલ ઝંપા]

અલી કોકિલા! ટહુકો મીઠો તુજ માહરે હઈડે વશ્યો,
સુણી તેહ આ હઈડે બીજો ટહુકો ઊઠીને ધશ્યો,
             અલી કોકિલા!o

શીળી ચાંદની આલિઙ્ગતાં સ્મિત જ્ય્હાં કરે લહરી ઝીણી,
સિન્ધુ એહવો આનન્દનો ક્ષણ ઝાંખું તે ટહુકો સુણી,
અલી કોકિલા!o

-૦-

ટીકા

બીજો ટહુકો - કૉયલનો ટહુકો સાંભળી હૃદયમાં થતો આનંદનો પ્રતિધ્વનિ, આનંદની ઊર્મિ.

'શીળી ચાંદની' ઇત્યાદિ - જ્ય્હાં - જે સિંધુમાં.

આનંદસિંધુનું સ્વરૂપ પ્રથમ પંક્તિમાં જણાવ્યું છે.

આનંદસિંધુ ઝાંખવો - એટલે આનંદ પ્રાપ્ત કરવો. આનંદ એ વસ્તુ તો શાશ્વત છે, પણ માણસ ત્‍હેને કોઈ કોઈ વાર ઝંખે છે ત્ય્હારે આનંદનું ભાન થાય છે, એમ કલ્પના કરી છે.

-૦-