જયા-જયન્ત /આમુખ કાવ્ય

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
જયા-જયન્ત
આમુખ કાવ્ય
ન્હાનાલાલ કવિ
પ્રસ્તાવના →



ભીષ્મ વૈરાગ્ય ધારીને
તજી છે દેહવાસના,
આલંબી આત્મલક્ષ્મીને
સજી છે સ્નેહભાવના,

મનોભાવે નથી જેણે
દુરીચ્છા પાપની કરી,
શીલને સાચવ્યું જેણે
સદા યે સ્નેહને વરી,

ઉપાસે બ્રહ્મશ્રદ્ધાથી
આત્મલજ્ઞ ઊંડે હૃદે,
મહાઅદ્‌ભૂત કો એવા
સ્નેહના યોગીને પદે,

વસો આ અધૂરાં ગીત
સ્નેહનાં-બ્રહ્મચર્યનાં;
પુરાણાં-નવલાં ત્હો યે
પાળેલાં પુણ્યવર્યનાં.

-૦-