ન્હાના ન્હાના રાસ/વસન્ત લ્યો

by ન્હાનાલાલ કવિ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← અલી કોયલડી

ન્હાના ન્હાના રાસ - ભાગ ૧ વસન્ત લ્યો ન્હાનાલાલ કવિ

વસન્તગીત →

  
રાજ! કોઇ વસન્ત લ્યો, વસન્ત લ્યોઃ
હાં રે મ્હારી ક્યારીમાં મ્હેક મ્હેક મ્હેકીઃ
હો રાજ ! કોઇ વસન્ત લ્યો, વસન્ત લ્યો.

રાજ! વીણી કળીઓ મ્હેં નેત્રમાં ઉઘાડીઃ
હાં રે મ્હારે હઇડે લલાટે વધાવીઃ
હો રાજ! કોઇ વસન્ત લ્યો, વસન્ત લ્યો.

રાજ! દેવ દેવી સોહાગ લેવા આવેઃ
હાં રે મીઠી સ્નેહની બંસરી બજાવેઃ
હો રાજ! કોઇ વસન્ત લ્યો, વસન્ત લ્યો.
-૦-