ન્હાના ન્હાના રાસ/હીંચકો
Jump to navigation
Jump to search
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
| ← હરિની રમણા | ન્હાના ન્હાના રાસ - ભાગ ૨ હીંચકો ન્હાનાલાલ કવિ |
હું તો સંન્યાસિની → |
હીંચકો કોણ દેશે? રાજ!
મ્હને કો ઝૂલાવશે? મહારાજ!
લળી લળી આંબલિયાની ડાળ,
કે ત્ય્હાં મુજ ઝૂલો ઝૂલે, સિરતાજ!
હીંચકો કોણ દેશે? રાજ!
મ્હને કો ઝૂલાવશે? મહારાજ!
રડે-રડે કોકિલ ઉપર રુદન,
નીચે મંજરી ઢળી, સિરતાજ!
હીંચકો કોણ દેશે? રાજ!
મ્હને કો ઝૂલાવશે? મહારાજ!
જૂવો-જૂવો અલબેલી આ વસન્ત,
હું ય અલબેલડી, સિરતાજ!
હીંચકો કોણ દેશે? રાજ!
મ્હને કો ઝૂલાવશે? મહારાજ!
-૦-