ન્હાના ન્હાના રાસ - ભાગ ૩/તેજઝૂમખડા
| ← ઢોળાતી શરદ | ન્હાના ન્હાના રાસ - ભાગ ૩ તેજઝૂમખડા ન્હાનાલાલ કવિ |
ત્રિલોકના તોરણ → |
જ્યંહાં આભમાં ધરતી ઢળી જતી, તેજઝૂમખડાં !
જ્યંહાં અનન્ત અનન્તમાં સમાય,
ઉગતાં એ આરે રે તેજઝૂમખડાં !
જ્યંહાં પુણ્યમાં પાપ વેલ ઢળી જતી, તેજઝૂમખડાં !
જ્યંહાં સાત્ત્વિક અજવાળા વાય,
ઉગતા એ આવે રે તેજઝૂમખડા !
જ્યંહાં ધરતીમાં આભઓઘ ઢળી જતા, તેજઝૂમખડાં !
જ્યંહાં પાર્થિવ પ્રગટે પગથાર,
આથમે એ આરે રે તેજઝૂમખડાં !
જ્યંહાં પાપમાં પુણ્યવેલ ઢળી જતી, તેજઝૂમખડાં !
જ્યંહાં ઉતરે આતમમાં અન્ધાર,
આથમે એ આરે રે તેજઝૂમખડાં !
♣