ન્હાના ન્હાના રાસ - ભાગ ૩/લોકલોકના ચોક
| ← લજામણીનો છોડ | ન્હાના ન્હાના રાસ - ભાગ ૩ લોકલોકના ચોક ન્હાનાલાલ કવિ |
વસન્તના વાયરા → |
૫૮, લેાકલોકના ચોક
નિરખજો લોકલોકના ચોક,
હરિની ત્ય્હાં પગલીઓ પુણ્યશ્લોકઃ
નિરખજો લોકલોકના ચેાક.
તેજના કિરણો, ફૂલની પાંખડી, રત્નોના રત્નઅંબાર;
સાધુસન્તની પુણ્યકન્યાઓ: એ
હરિના સહુ સંચારઃ
નિરખજો લોકલોકના ચેાક.
અન્ન થકી પણ મધુરાં પાણી, પાણીથી વાયુ ને તેજ;
તેજથી મધુરાં હેત હરિના, જેના
મેહુલા વરસે બધે જ:
નિરખજો લોકલોકના ચેાક.
ચન્દ્રલોક, ને સૂર્યલોક, ને સત્યલોકના ઘાટ;
ચૌદ લોકનાં માડ્યાં પગથિયાં હરિએ,
ત્ય્હાં પરાત્પરની વાટ:
નિરખજો લોકલોકના ચોક.
હરિની ત્ય્હાં પગલીઓ પુણ્યશ્લોકઃ
નિરખજો લોકલોકના ચેાક.
♣