પુણ્યપ્રકાશનું સ્તવન/ઢાળ ૫મી
| ← ઢાળ ૪થી | પુણ્યપ્રકાશનું સ્તવન ઢાળ ૫મી વિનયવિજય મુનિ |
ઢાળ ૬ઠ્ઠી → |
(ઢાળ પાંચમી)
(દેશી : હવે નિસુણી ઇહાં આવી)
જન્મ જરા મરણે, કરી એ, આ સંસાર અસાર તો,
કરુયા કર્મ સહુ અનુભવે એ, કોઈ ન રાખણ હાર તો. ૧
શર્ણ એક અરિહંતનું એ, શરણ સિદ્ધ ભગવંત તો;
શરણ ધર્મ શ્રી જૈનનું એ, સાધુ શરણ ગુણવંત તો. ૨
અવર મોહ સવિ પરિહરી એ, ચાર શરણ ચિત્ત ધાર તો,
શ્વગતિ આરાધનતણો એ, એ પાંચમો અધિકાર તો. ૩
આ ભવ પરભવ જે કર્યા એ, પાપ કર્મ કેઈ લાખ તો;
આત્મશાખે તે નિંદી એ, પડિક્કમીએગુરુશાખ તો. ૪
મિથ્યામતિ વર્તાવીયા એ જે ભાખ્યાં ઉત્સૂત્ર તો,
કુમતિ કદાગ્રહને વશે એ, જે ઉત્થાપ્યાં સૂત્ર તો. ૫
ઘદ્યાં ઘડાવ્યાં જે ઘણાં એ, ઘંટી હળ હથિયાર તો,
ભવ ભવ મેલી મૂકીયાં એ, કોઈ ન કીધી સાર તો. ૬
પાપ કરીને પોષીયા એ, જનમ જનમ પરિવાર તો ;
જનમાં તર પહોંચ્યા પછી એ, કોઈ ન કીધી સાર તો. ૭
આ ભવ પરભવ જે કર્યા એ, એમ અહિકરણ અનેક તો;
ત્રિવિધે ત્રિવિધે વોસરાવીએ એ, આણી હ્રદય વિવેક તો. ૮
દુષ્કૃત નિંદા એમ કરી એ, પાપ કરો પરિહાર તો;
શિવગતિ આરાધનતણો એ, એ, છઠ્ઠો અધિકાર તો. ૯