પુરાતન જ્યોત/સંત દેવીદાસ/ભજન: ૬. સખીભાવ
< પુરાતન જ્યોત | સંત દેવીદાસ
| ← ભજન: ૫. અમર ઝૂઝે રે તરવાર | પુરાતન જ્યોત ભજન: ૬. સખીભાવ ઝવેરચંદ મેઘાણી ૧૯૩૮ |
સંત મેક(ર)ણ → |
સખીભાવ
સમજાવીને કે’ !
પરબુંના પીરને સમજાવીને કે' !
સાંયાજીની સાથે મારું સગપણ કર્યું.
મારું જોબન નાનું છે
પરબુંના પીરને સમજાવીને કે’ !
દેશપરદેશના જોષીડા તેડાવો
મારાં ઘડિયાં લગનિયાં લે !
પરબુંના પીરને સમજાવીને કે' !
આલૂડા લીલૂડા વાંસ વઢાવો
મારા ચિતડામાં ચોરી ચીતરી છે
પરબુંના પીરને સમજાવીને કે' !
સાંયાજીની સાથે મારી વરમાળ રોપી
હું તો પ્રીતે પરણી છે
પરબુંના પીરને સમજાવીને કે' !
સેલાનીને ચરણે બોલ્યા હમીરો
મુંને લાગી લગનિયાંની લે' !
પરબુંના પીરને સમજાવીને કે' !