પુરાતન જ્યોત/સંત દેવીદાસ/ભજન: ૫. અમર ઝૂઝે રે તરવાર
| ← ભજન: ૪. જીવન ભલે જાગિયાં | પુરાતન જ્યોત ભજન: ૫. અમર ઝૂઝે રે તરવાર ઝવેરચંદ મેઘાણી ૧૯૩૮ |
ભજન: ૬. સખીભાવ → |
અમર ઝૂઝે રે તરવાર
અમે પરબનાં ઓળગુ
અલખ દેવંગી ! તમારા ઓળગુ
પરગટ દેવીદાસ — અમેo
ભગતીમાં શૂરવીર અમર ઝૂઝે રે
અમર ઝૂઝે રે તલવાર
બાવાજી શાદલ, અમે પરબનાં ઓળગુ.
પછમ ખેતર બાવા, પીરનાં ના
ગઢ આજ જૂનો રે
ગઢ આજ જૂનો ને ગરનાર
— બાવાજી શાદુળ, અમે૦
અઢાર વરણ જમે એક ઠામે
ભોજન કરે રે
ભોજન કરે રે દુવાર
— બાવાજી શાદુળ, અમે૦
નામ રે તણા નેજા રોપિયા,
ભજન કરવાં રે ભરપૂર
— બાવાજી શાદુળ, અમે૦
નજ્યા પંથી ને સકોમળાં
કળજગ ના'વે લગાર
— બાવાજી શાદુળ, અમે૦
અમર સતી માતુ વીનવે
લાગું મારા ગુરુજીને પાય
જુગોજુગ તમારાં ટેલવાં
રાખો ચરણુંની સંગાથ
બાવાજી શાદુળ, અમે રે પરબુંનાં ઓળગુ.