આ પાનાનું પ્રુફરીડિંગ થઈ ગયું છે
૪૨
આ તે શી માથાફોડ
હું ગલૂડિયે રામતો હતો. બા કહે : “એની સાથે ન રમ; એ કરડકણું છે.”
હું મંછા ભેગો રમતો હતો. બાપા મને કહે : “હમણા એની ભેગો ન રમ; એને ખસ થઈ છે.”
હું શાક સુધારવા જતો હતો મોટી બેન કહે : “એ છરીએ ન સુધારતો; એ તાજી સજાવેલી છે.”
હું જોડા ગોઠવવા બેઠો. કાકા કહે : “હમણાં ન ગોઠગતો; નહાતી વખતે ગોઠવજે.”
બાપુપાસે જવું છે
નાના કાકા: “ભઈ, હવે રાગડો તાણતો રહીશ ? ત્યાં તને તે કાંઈ કચેરીમાં લઈ જાય છે કે ? ત્યાં કચેરીમાં છોકરાંનું શું દાટ્યું હોય ?”
“એં...એં...એં...મારે બાપુ પાસે જાવું છે. એં...એં...એં...!”
નાના કાકા :“છાનો રે'છે કે નહિ ? હું વાંચુ છું તે મને ગડબડ થાય છે. ચુપ !”
નાની કાકી : “એમ એને ન થાય. છોકરું છે તે રડે. ભઈજી સાથે લઈ ગયા હોત તો શું થાત ? ત્યાં બેઠું બેઠું રમત.”
“લે રાખ, બહુ ડહાપણ છે તે.”