શિવતાંડવ સ્તોત્ર
જટાટવીગલજ્જલપ્રવાહપાવિતસ્થલે
ગલેऽવલંબ્ય લંબિતાં ભુજંગતુંગમાલિકામ્ ।
ડમડ્ડમડ્ડમડ્ડમન્નિનાદવડ્ડમર્વયં
ચકાર ચંડતાંડવં તનોતુ નઃ શિવઃ શિવમ્ ॥૧॥
જટાકટાહસંભ્રમભ્રમન્નિલિંપનિર્ઝરી
વિલોલવીચિવલ્લરીવિરાજમાનમૂર્ધનિ ।
ધગદ્ધગદ્ધગજ્જ્વલલ્લલાટપટ્ટપાવકે
કિશોરચંદ્રશેખરે રતિઃ પ્રતિક્ષણં મમ ॥૨॥
ધરાધરેંદ્રનંદિનીવિલાસબંધુબંધુર
સ્ફુરદ્દિગન્તસન્તતિપ્રમોદમાનમાનસે ।
કૃપાકટાક્ષધોરણીનિરુદ્ધદુર્ધરાપદિ
ક્વચિદ્દિગંબરે મનો વિનોદમેતુ વસ્તુનિ ॥૩॥
જટાભુજંગપિંગલસ્ફુરત્ફણામણિપ્રભા
કદંબકુંકુમદ્રવપ્રલિપ્તદિગ્વધૂમુખે ।
મદાંધસિંધુરસ્ફુરત્ત્વગુત્તરીયમેદુરે
મનોવિનોદમદ્ભુતં બિભર્તુ ભૂતભર્તરિ ॥૪॥
સહસ્રલોચનપ્રભૃત્યશેષલેખશેખર
પ્રસૂનધૂલિધોરણી વિધૂસરાંઘ્રિપીઠભૂઃ ।
ભુજંગરાજમાલયા નિબદ્ધજાટજૂટક
શ્રિયૈ ચિરાય જાયતાં ચકોરબંધુશેખરઃ ॥૫॥
લલાટચત્વરજ્વલદ્ધનંજયસ્ફુલિંગભા
નિપીતપંચસાયકં નમંનિલિંપનાયકમ્ ।
સુધામયૂખલેખયા વિરાજમાનશેખરં
