પૃષ્ઠ:Aarti Bhajan Stotra.pdf/૬૨

મહાકપાલિસમ્પદે શિરોજટાલમસ્તુ નઃ ॥૬॥

કરાલભાલપટ્ટિકાધગદ્ધગદ્ધગજ્જ્વલ
દ્ધનંજયાહુતીકૃતપ્રચંડપંચસાયકે ।
ધરાધરેન્દ્રનંદિનીકુચાગ્રચિત્રપત્રક
પ્રકલ્પનૈકશિલ્પિનિત્રિલોચને રતિર્મમ ॥૭॥

નવીનમેઘમંડલી નિરુદ્ધદુર્ધરસ્ફુરત્
કુહૂનિશીથિનીતમઃ પ્રબંધબદ્ધકંધરઃ ।
નિલિંપનિર્ઝરીધરસ્તનોતુ કૃત્તિસિંધુરઃ
કલાનિધાનબંધુરઃ શ્રિયં જગદ્‌ધુરંધરઃ ॥૮॥

પ્રફુલ્લનીલપંકજપ્રપંચકાલિમપ્રભા
વલંબિકંઠકંદલીરુચિપ્રબદ્ધકન્ધરમ્ ।
સ્મરચ્છિદં પુરચ્છિદં ભવચ્છિદં મખચ્છિદં
ગજચ્છિદાંધકચ્છિદં તમંતકચ્છિદં ભજે ॥૯॥

અખર્વસર્વમંગલા કલાકદંબમંજરી
રસપ્રવાહમાધુરી વિજૃંભણામધુવ્રતમ્ ।
સ્મરાંતકં પુરાંતકં ભવાંતકં મખાંતકં
ગજાંતકાંધકાંતકં તમંતકાંતકં ભજે ॥૧૦॥

જયત્વદભ્રવિભ્રમભ્રમદ્ભુજંગમશ્વસદ્
વિનિર્ગમત્ક્રમસ્ફુરત્કરાલભાલહવ્યવાટ્ ।
ધિમિદ્ધિમિદ્ધિમિધ્વનંમૃદંગતુંગમંગલ-
ધ્વનિક્રમપ્રવર્તિતપ્રચંડતાંડવઃ શિવઃ ॥૧૧॥

દૃષદ્વિચિત્રતલ્પયોર્ભુજંગમૌક્તિકસ્રજોર્
ગરિષ્ઠરત્નલોષ્ઠયોઃ સુહૃદ્વિપક્ષપક્ષયોઃ ।
તૃણારવિંદચક્ષુષોઃ પ્રજામહી મહેંદ્રયોઃ
સમં પ્રવૃત્તિકઃ કદા સદાશિવં ભજામ્યહમ્ ॥૧૨॥