પૃષ્ઠ:Adhunik Bhakti Pado and Kavitao.pdf/૫૦

હું કહેતો કૃષ્ણકળી, કૃષ્ણકળી
કૃષ્ણકળી રે
હરિની કૃષ્ણકળી રે

આભે એક વાદળી ભાળી
ભાંભરી ઊઠી ગાય બે કાળી રે
આવી ફાળ પામતી બાળી
કાળવી એની ઝૂંપડી બા'રી રે
સુણી ગગડાટ ને
આભે શીંગ ઉલાળી
ગાવડી ચાલી રે

તે દી' મેં કાળવી દીઠી
દીઠી બસ આંખ બે મીઠી
બીજું કાંઈ દેખવું નો'તું
આંખ બે કાળી
હરણાંવાળી રે
આંજ્યા વિણ આંખ બે કાળી રે

ગામનાં માણસ મૂરખાં રે
એને કાળવી કે'તા રે
હું કહેતો કૃષ્ણકળી, કૃષ્ણકળી
કૃષ્ણકળી રે
હરિની કૃષ્ણકળી રે

ઊગમણી લેરખી આવે
મોલ ઝૂલાવે
ખાય હીંચોળા રે
સીમે કોઈ માનવી નો'તું