આ પાનાનું પ્રુફરીડિંગ થઈ ગયું છે
મારા મનના કૈંક વિચારો, કોને જઈ હું કહું બિચારો
ડગલે પગલે મળતો ડારો, કોઈ ન કાં પંપાળો રે
કોણ કહે કજિયાળો રે!
ખિજાયા વિણ ખોળે લઈને, સમજાવો આલિંગન દઈને,
બેસીશ ડાહ્યો ડમરો થઈને, હું તે સાવ સુંવાળો રે
કોણ કહે કજિયાળો રે!
પણ જો તરછોડ્યા કરશો તો, મોઢું મચકોડ્યા કરશો તો,
મનડું સંકોડ્યા કરશો તો, વધશે મુજ ગોટાળો રે.
કોણ કહે કજિયાળો રે!
કોણ કહે કજિયાળો મુજને, કોણ કહે કજિયાળો રે!
