આ પાનાનું પ્રુફરીડિંગ થઈ ગયું છે
ધન્ય હો ધન્ય જ પુણ્ય પ્રદેશ
ન્હાનાલાલ
ધન્ય હો ધન્ય જ પુણ્ય પ્રદેશ
અમારો ગુણિયલ ગુર્જર દેશ
કૃષ્ણચન્દ્રની કૌમુદી ઊજળો
કીધ પ્રભુએ ય સ્વદેશ
અમારો ગુણિયલ ગુર્જર દેશ
સ્થળેસ્થળ નવપલ્લવના પુંજ
નદી ને તળાવ કેરી કુંજ
કોમળી કવિતા સમ સુરસાળ
સિન્ધુ જ્યાં દે મોતીના થાળ
જગજૂનાં નિજ ગીત ગર્જતો ફરતો સાગર આજ
કેસર ઊછળી ઘૂઘવે ગરવો વનમાં જ્યાં વનરાજ
ગિરિગિરિ શિખરશિખર સોહન્ત
મન્દિરે ધ્વજ ને સન્ત મહન્ત
ધન્ય હો ધન્ય જ પુણ્ય પ્રદેશ
અમારો ગુણિયલ ગુર્જર દેશ
ચોળી ચણિયો પાટલીનો ઘેર
સેંથલે સાળુની સોનલ સેર
છેડલે આચ્છાદી ઉરભાવ
