આ પાનું પ્રમાણિત થઈ ગયું છે.
૨૫૪ : ગ્રા મો ન્ન તિ
અંગશૃંગાર
શરીર ઉપરથી તેમ જ પહેરવેશ ઉપરથી પણ આપણે ઓળખી શકીએ છીએ. ચોરણાવાળો કાઠિયાવાડી ખેડૂત, મારવાડનો પડોશ સૂચવતી ઉત્તર ગુજરાતની ફરતા ઘાઘરાવાળા ઠાકરડી, મધ્ય – ગુજરાતનો સાદો ખેડૂત અને ધાતુનાં કે કડીનાં ઘરેણાંથી ખડકાયલી દક્ષિણ ગુજરાતની ચોધરણ એ બધાં મુખના તેમ જ વિવિધતા ભર્યા પોષાકના નમૂના પૂરા પાડે એમ છે. એ મુખ અને અલંકારમાંથી જાત, જાતમિશ્રણ અને સંસ્કૃતિનો ઉંડો અભ્યાસ થઈ શકે એમ છે. પ્રદર્શનમાં અંગશૃંગારને લગતાં સ્ત્રી, પુરુષ અને બાળકનાં નીચેનાં સાધનો યોજી શકાય :—
(૧) પોષાક,
(૨) ઘરેણાં, અને
(૩) મુખશૃંગાર – Toilet :
- જેમાં વાળની ઢબ, તેલફૂલેલના પ્રકાર, કપુર કાચલી કે ચંદન સુખડ જેવાં અંગને સ્વચ્છ અને સુગંધીત બનાવનારાં દ્રવ્ય, કાજળ, છુંદણાં, મેંદી, રંગ વગેરે ગણાવી શકાય એમ છે.
૩ ધ્યાન ખેંચે એવા વિશિષ્ટ દેખાવ કે પોશાકવાળા લોક :
વિશિષ્ટ મુખ અને
વસ્ત્રવાળી જનતા
વસ્ત્રવાળી જનતા
ચિત્ર, છબી કે પૂતળાંદ્વારા મુખ – વિશિષ્ટતાથી કે પહેરવેશની ભિન્નતાથી નીચે દર્શાવ્યા પ્રમાણેનો લોકોનો એક વિભાગ પણ પ્રદર્શનમાં રોકી શકાયઃ—
(अ) જાત ઉપરથી ઓળખાતા લોકો :
