આ પાનાનું પ્રુફરીડિંગ થઈ ગયું છે
૧૪
જયા-જયન્ત
- જગત જૂવે છે વાટડી હો ! આવો;
- અમૃત આણ્યાં તે લોકને ધરાવો;
- સુરના સન્દેશ પૃથ્વીને સુણાવો;
- દેવનાં દુંદુભી વાગે, બ્રહ્માંડ જાગે,
- જય પરાગે
- યશકુમાર ! આવો,
- સાહેલી સહુ વધાવો
- જય ! જય ! કુમાર ! આવો.
- દેવનાં દુંદુભી વાગે, બ્રહ્માંડ જાગે,
- આજ આનન્દનો સૂરજ ઉગ્યો.
- ગિરિલોકે ઉત્સવ આદર્યો છે;
- ને શિખરેશિખરે રોપ્યા છે જયધ્વજ
- ઉત્સવના અનિલમાં ફરકતા.
- દેવોનો શો છે આદેશ ?
જયન્ત: જયા ! એ ત્હારી પ્રેરણાનો પરિપાક.
- ત્હેં ઉગાડ્યો એ આનન્દનો ભાસ્કર.
- દેવોએ કહાવ્યું છે, જયા ! કે
- 'જેમણે અમરોને જન્મ દીધા
- તે જગતની માતાઓને ધન્ય છે.'
જયા:પુણ્યવન્તી જાહ્નવી વહે છે,
- ને દૂધવન્તી ધેનુ દૂઝે છે,
- ત્ય્હાં સૂધી જગતની માતાઓને
- અમરો સાંપડશે અવનીમાં યે.