આ પાનાનું પ્રુફરીડિંગ થઈ ગયું છે
૧૭૩
જયા-જયન્ત
દેવર્ષિ : કુમારી જયા ! કુમાર જયન્ત !
- ન્હાનાં હતાં બીજના દાણા ત્હમે,
- ત્ય્હારે જોયું હતું ત્હમારી કીકીઓમાં.
- દીઠો હતો ત્ય્હારે આજનો ઉત્સવ.
- આશાના મ્હારા એ આંબા મ્હોર્યા.
- જીત્યો હું વિશ્વને,
- અને વિશ્વનાં મહાબલોને;
- મ્હારાં શિષ્ય મ્હને જીત્યાં.
- આત્મા ઉભરાય છે આનન્દે
- અવનીના એ ઉત્કર્ષ નિહાળીને.
- આજે મ્હેં યે જીવનસિદ્ધિ સાધી.
- વાંછ, જયન્ત ! વરદાનઃ લે, જયા !
- માગો મ્હારાં સર્વ પુણ્યનો ભંડાર.
જયન્ત : એ એક જ આપો, દેવર્ષિ !
- લોકના આત્મા ઊણા ન રહે.
જયા : એ એક જ આપો, દેવર્ષિ !
- સંસારીઓના સંસાર ઊણા ન રહે.
દેવર્ષિ : તથાસ્તુ, મ્હારાં આત્મસન્તાનો !
- મથશે ત્હેમને મળશે
- ત્હમે માગ્યાં તે સર્વ ધન.
- કાશીરાજ ! અમૃત ચોઘડિયું છે;
- માંડો શેષ માથે આશ્રમનો પાયો.
- વત્સે જયા ! ઓઢો આ તેજચૂંદડી.