આ પાનું પ્રમાણિત થઈ ગયું છે.
[ ૨૫ ]
આપણા હુકમો
“એ રમુ ! તું ક્યાં જાય છે ?”
રમુ કહે : “નાના કાકા કહે છે કે પેલી બારી નીચે છાંયો છે ત્યાં રમો ”
“ત્યાં નથી જવું; પેલી કોટડીના ખૂણા પાસે બેસો.
✽✽✽
અલ્યા રમુ! અહીં કેમ બેઠો છે? આ ખૂણા પાસે? ચાલો ઘરમાં; પાઠ વાંચો”
“બાએ અહીં રમવાની રજા આપી છે.”
“ચાલો; પાઠ વાંચવા બેસો.”
✽✽✽
“એ રમુ! પાઠ વાંચવાનું અત્યારે કાં સૂઝ્યું? ચાલ, ઝટ નાહી લે; ઊનું પાણી તૈયાર છે.”
રમુ કહે : “બાપુએ પાઠ વાંચવાનું કહ્યું છે.”
“પાઠ પછી વંચાશે; ચાલો, નાહવા બેસો.”
✽✽✽
“એ રમુ ! હમણાં નાહવાનુ બંધ રાખ. પેલા ભાઈને સારાકાકાનું ઘર બતાવી આવ.”
“પણ બેન કહે છે કે નાહીને જા.”
“ના, હમણાં જા; પછી નાહજે.”
✽✽✽
