આ પાનાનું પ્રુફરીડિંગ બાકી છે
ભાગ બીજો
૭૧
વન કેરા આંબલા મ્હોયાં, સાહેલડી !
પુરમાં કટોરાઘાટ કુંડાં ઉભાં ;
વનમાં જોગી જહાંગીરી માણે, સખિ !
પુરમાં ગરીબીનાં દિલડાં દૂભ્યાં :
વનનાં આમન્ત્રણ આવ્યાં, સાહેલડી !
વનમાં તપોવને તપસી, સાહેલડી !
પુરમાં વણિક કાંઈ વણજે ખીલ્યા
વનમાં તો વિશ્વનો વિહારી વિહારે, ને
પુરમાં મનુષ્યની ઝળકે કલા :
વનનાં આમન્ત્રણ આવ્યાં, સાહેલડી !
વનનાં આમન્ત્રણ આવ્યાં, સાહેલડી !
પુરનાં યે પુણ્યપાપ ઓછાં નથી :
વનની મઢૂલીમાં સીતા ને રામજી,
રમશું ત્ય્હાં વનની કથાઓ કથી :
ચાલો, વનવનની કથાઓ કથી :
વનનાં આમન્ત્રણ આવ્યાં, સાહેલડી !
