પૃષ્ઠ:Niharika.pdf/૯૪

વિકિસ્રોતમાંથી
દિશાશોધન પર જાઓ શોધ પર જાઓ
આ પાનાનું પ્રુફરીડિંગ થઈ ગયું છે



ઝુલાવો ધીમે ?

૦ માઢ ૦


મારી મદભર આંખ ઘેરાણી;
ઝુલાવો ધીમે, હજી ધીમે, પ્રાણ !

નીંદભર્યા અમ પાસે પ્રિયતમ,
રાખિચે ચિત્ત ચકોર
જો જો સલુણા ફીટે નહિ મારા
નવરંગ સાળુની કોર —ઝુલાવો.

કૂણીકૂણી ચૂંટી મેંદી મૂક્યો મેં
પ્હાનીએ કુમકુમરંગ;
આછો ઉઘાડ; ઝુલાવતાં બલથી
ઊડશે લહરી સંગ —ઝુલાવો.

વેગળાં લો જરી નયનો, બીતાં
નાસતાં ખંજન લોલ;
કીકી તણો પડછાય પડી
મારાં કાળાં થાય કપોલ —ઝુલાવો.

નીંદ ઝઝૂમી, ઝૂમો પ્રિયતમ,
નયનો નવ બિડાય;
આઘા રહો અલબેલડા, મારી
કુમળી કમર લચકાય —ઝુલાવો.

ઝૂલાવે ધીમે? : ૮૩