આ પાનાનું પ્રુફરીડિંગ થઈ ગયું છે
૨૫
દુર્ગપર જો ! ફરફરે
ધવલ કર-અંચલ પ્હણે;
હઈડું આ કંઇ થરથરે,
ને પ્રેમમન્ત્રો શા ભણે!૧૧
હા ! મીઠું બુલ્બુલ માહરું !
કૂજતું કલરવ કરે,
લાડકી! તુજ એ અમી
પીતાં ન મન તૃપ્તિ ધરે.૧૨
તાતને તુજ કૂજને
એ રુડાં તું સુણાવજે,
મર્ત્યલોકે સ્વર્ગની
કંઈ દીપ્તિ ક્ષણ ઝળકાવજે.૧૩
મીઠડી જે વ્યોમમાં
શુક્રકણી શી શોભતી !
હા ! તદપિ મુજ લાડકી
એથી રુચિર અદકી અતિ.૧૪
ભૂત ભાવિ ભૂલતી,
સુખ હિંંડોળે ઝૂલતી
સંગ લઈ મુજ પૂતળી
આનન્દસિન્ધુ હું બૂડી.”—૧૫