આ પાનાનું પ્રુફરીડિંગ થઈ ગયું છે
એક સન્દેશડો આપજે,
- મારી ઝૂરી મરે જ્યાં માત રે. આંખડી૦
"શાં શાં એંધાણે એાળખું ?
- કઈ ઝૂરી મરે છે માય રે ! આંખડી૦
રોતાં આંખલડી રાતડી,
- એનું હૈયું હિંચોળા ખાય રે. આંખડી૦
ઘૂમી રહે ઘર ઘેલડી,
- એને કામ સૂજે નહિ કાંય રે. આંખડી૦
કાગ ઉડાડતી આંગણે,
- એ તો દોડી-દોડી ડોકાય રે. આંખડી૦
ગાય વળાવતી ગોંદરે,
- એની એક દિશામાં આંખ રે. આંખડી૦
પન્થી–પન્થીને પૂછતી,
- એનો એકલડો અભિલાખ રે. આંખડી૦
એ રે એંધાણે એાળખી,
- સખિ ! કહેજે કુશળનાં કે'ણ રે. આંખડી૦
આજ નાખ્યું મેં એટલું,
- તને વહાલી ગણીને વેણ રે.
- આંખડી આંસુભરી રે.
- તને વહાલી ગણીને વેણ રે.
