આ પાનાનું પ્રુફરીડિંગ થઈ ગયું છે
ગૃહમંડપ
૧૩૩
મારી બહેની
♦ સારું સારું રે સૂરત શહેર, મુંબઇ અલબેલી . ♦
મારા હૈડાનો હલકાર
મીઠી બહેની તું !
આવે ચાંદનીનો ચમકાર,
મીઠડી બહેની તું ! -
આછેરાં અરુણાં અજવાળાં ઉષા ભરે જગમાંય રે,
મુજ આંગણિયે એવાં તારાં તેજ મધુર ઢોળાય :
મધુરી બહેની તું ! ૧
વ્યોમાટારી તારા ટાંગી ચંદા ફરતી જેમ રે
ફૂલપગલી પૃથિવીમાં પાડે, આવે રસભર તેમ,
રસીલી બહેની તું ! ૨
વીરા પરથી વારી જતી હો અધીરી અધીરી બહેન રે,
વીરાનાં દુખડાં દેવાને તત્પર રહે દિનરેન !
અધીરી બહેની તું ! ૩
ખરતા તારા સરતા કોરે નભ રૂપેરી નૂર રે,
તુજ વાતલડીના ચમકારા એમ સરે મુજ ઉર:
વહાલી બહેની તું ! ૪
