આ પાનાનું પ્રુફરીડિંગ થઈ ગયું છે
૧૭૪
રાસચંદ્રિકા
મારાં ભાગ્યનાં કુંકુમ છે લીધાં,
તેનાં અજબ ઉદય ને અસ્ત કીધાં:
કોઈ લટકે ને મટકે આવે છે. ૫
મારાં ચૂંટ્યા સોહાગ ચંદ્ર ચૉડ્યા,
મારા પ્રારબ્ધના લેખ તારલે જોડ્યા:
કોઈ લટકે ને મટકે આવે છે. ૬
મારાં ઉડાવ્યાં સોણલાં વાદળિયે,
ફેમ્કી જીવનની રેખ કાળને તાળિયે:
કોઈ લટકે ને મટકે આવે છે. ૭
તોય ઝરે છે અમી એની આંખોમાં,
ભર્યા સર્જનના સાજ એની પાંખોમાં:
કોઈ લટકે ને મટકે આવે છે. ૮
જુઓ, જુઓ, કોઈ જોગી આવે છે,
જન્મો જન્મનાં લહેણાં લાવે છે:
કોઈ લટકે ને મટકે આવે છે. ૯
