આ પાનાનું પ્રુફરીડિંગ થઈ ગયું છે
પૃથ્વીકુંજ
૮૩
ફૂલવાડીનો મોરલો
♦ કે આભમાં ઝીણી ઝબૂકે વીજળી રે. ♦
કે કુંજમાં મઘમઘ મહેકે ફૂલડાં રે,
કે આવી મોંઘી દેવવસંત;
કે નાચે ફૂલવાડીનો મોરલો રે.
કે પાંદડે પાંદડે પલકે હીરલા રે,
કે ઊછળે ઉર ઉર ભાવ અનંત :
કે નાચે ફૂલવાડીનો મોરલો રે. ૧
કે આભને માથે રંગભર છોગલાં રે,
કે એવાં ધરણીશિર ગુલમૉર :
કે નાચે ફૂલવાડીનો મોરલો રે.
કે ઊઘડે ચંદરવા દિશ દિશ તણા રે,
કે ઊઘડે હૈડાં આઠે પહોર :
કે નાચે ફૂલવાડીનો મોરલો રે. ૨