આ પાનાનું પ્રુફરીડિંગ થઈ ગયું છે
૪૦
રાષ્ટ્રિકા
રણવીર પ્રતાપ ઘૂમી ત્યાં
કરતો રણનાદ પ્રચંડ,
ખરું આજ પ્રકાશિત કીધું
રણમાં નિજ શૌર્ય અખંડ !
બેદી અરિહાર ધસ્યો તે
ખુદ સલીમ હતો જે ઠાર;
હર હર હર કરતા ગરજ્યા
શૂરા બાવીશ હજાર ! ૮
આકાશ ધરા ત્યાં કંપ્યાં,
ડોલ્યાં ચૌદે બ્રહ્માંડ !
રણક્ષેત્રે આરંભાયો
શો ભીષણ હત્યાકાંડ !
ઢગના ઢગ વીરો પડતા,
નહિ શબનો કાંઇ સુમાર;
લડતા અગણિત મોગલને
શૂરા બાવીશ હજાર ! ૯
માર્યા રક્ષક ને મહાવત
રાણાએ રાખી રંગ,
ને સલીમતણા ગજ પર ત્યાં
નિજ અશ્વે મારી છલંગ !
