આ પાનું પ્રમાણિત થઈ ગયું છે.
૭
જૂના ડુંગર, જૂના ધોધવા,
ને જૂનાં વહેતાં નદીનાં નીર રે;
જોગીડા જૂના જૂના રે :
હૈડે પુરાતન પ્રીતડી,
અમ બાંધવ પેગમ્બર પીર રે;
જોગીડા જૂના જૂના રે.૩
જૂના જૂના ગાજે સાગરા,
ને જૂના ઊભા કિનારા કોટ રે;
જોગીડા, જૂના જૂના રે :
ઊંડી દિશાઓ કંઈ ભેદતી
ચાલે અંતર ભરતી ને ઓટ રે;
જોગીડા જૂના જૂના રે.૪
જૂના જૂના છે પેલા તારલા,
ને આ વીંટે જૂના અંધાર રે;
જોગીડા જૂના જૂના રે :
ઊંડા વનેથી તહિં આવતા
કોઈ ધૂણીકેરા ચમકાર રે; .
જોગીડા જૂના જૂના રે.૫
