આ પાનું પ્રમાણિત થઈ ગયું છે.
૧૪૩
બાળશો ના
(પદ)*
બાળશો ના, કોઈ બાળશો ના,
જગતઝાળમાં બળ્યાંને વધુ બાળશો ના ! (ધ્રુવ)
ઊંડા જવાળામુખી કંઈ પડયા છે જૂના,
ઊના ઊના કરી ઉકાળશો ના :
જગતઝાળમાં બળ્યાંને વધુ બાળશો ના ! ૧
તપી તપી ઉચાટે આવ્યાં જળઘાટે,
વાટે વાટે ફરી ઉછાળશો ના :
જગતઝાળમાં બળ્યાંને વધુ બાળશો ના ! ૨
દિલમાંના દૈત્યો જે સૂતા દિલ ફોલી,
ખોળી ખોળી તેને પંપાળશો ના :
જગતઝાળમાં બળ્યાંને વધુ બાળશો ના ! ૩
___________________________________________________
- “ કયા માગું રે મેં કયા માંગું, એસી ટૂંકીસી જીંદગીમેં કયા માગું? ”—એ ચાલ.