આ પાનું પ્રમાણિત થઈ ગયું છે.
“હા ! મ્હારો ચંદ્ર બેલ્યો ! ચંદ્ર ! સાંભળો – ઘણે દિવસે બોલ્યા તે સાંભળો !” બેભાન મુખ પણ દીન થયું ને ગાવા લાગ્યું.
- “નથી સતીપણું હુંથી સધાયું,
- “પતિવ્રતપણું તો નથી જોયું.
- “મને સુઝે ને શુદ્ધિ અશુદ્ધિ;
- “મ્હારી ચાલે નહી કંઈ બુદ્ધિ
- “તેને બુદ્ધિ ને શુદ્ધિ દેવા,
- “અશરણને શરણ નિજ લેવા,
- “આદિકાળે રસિક ઘેર આવ્યો;
- “આજે એ ને એ નાર કર આવ્યો.
- “ઘડે એવો વિધાતા યોગ.
- “જે જે તારા, ચન્દ્ર, ચકોર !”
“એ ને એ નર આવ્યો ! હવે ક્યાં જાય ?” કુમુદ લવતી લવતી આકાશના તારા ભણી જોતી જોતી ક્હેવા લાગી. “ જો જો તારા ! જો જો ચંદ્ર ! ચન્દ્ર હાથમાં આવ્યો – સરસ્વતીચંદ્રનું નામ નવીનચંદ્ર થઈ ગયું. પણ એ ચંદ્ર હાથમાં આવ્યો – ભગવાં વસ્ત્ર ધર્યાં – ભગવું તો ભગવું પણ હવે નહીં જવા દઉં ! જોગીરાજ !” સરસ્વતીચંદ્રનો અંચળો ખેંચવા લાગી – ખેંચતી ખેંચતી ગાવા લાગી,
- “હાથમાં આવ્યો યોગી ! હાથ મ્હારો
- “ભ્રષ્ટ છે, છે દેહ ગોઝારો !”
અંચળો મુકી દીધો. પોતાના હાથ અને શરીર સામું જોતી જોતી રોતી રોતી ગાવા લાગી.
- “ શુદ્ધ બુદ્ધ ને પાવન નાથ !
- “રખે ઝાલો આ ભ્રષ્ટ જ હાથ !”
હાથ દૂર લેઈ લીધો ને આઘી ખસી ગઈ ને છેટે ઉભી રહી પ્રણામ કરતી રોતી ગાતી હતી.”
- “પ્રભુ ! જાળવું તેજ તમારું,
- “શૂદ્ધ શરીર નિયન્ત્રું હું મ્હારું.
- “જીવ ઝાલ્યો પ્રથમથી જે મ્હારો,
- “તેને બોધ આપીને ઉગારો.
- “જેને લોક મનોભૂ ક્હેછે, –