પૃષ્ઠ:Venina Ful.pdf/૬૫

વિકિસ્રોતમાંથી
Jump to navigation Jump to search
આ પાનાનું પ્રુફરીડિંગ થઈ ગયું છે

૪૬






આભના ચંદરવા

આભમાં ચાકળા ને ચંદરવા
કે આવડા કેણે ચોડ્યા રે લોલ !

આભમાં રે' એક રજપૂતાણી
કે મૈયર આણે આવી રે લોલ.

પરણ્યો ચોરીયેથી ચાલ્યો છે
કે મીંઢળ નથી છૂટ્યા યે લોલ.

ગાજતી ઘોડીએ ઘુઘરમાળ
કે રજપૂત રણે ચડ્યો રે લોલ.

જાય છે કામધેનના ચોરનારા !
કે એકલો જુદ્ધ માંડે રે લોલ.

આવશે ઓણને પોર દિવાળી !

કે સુંદરી વાટ્યું જોતી રે લોલ.