બાપુનાં પારણાં/તારાં પાતકને સંભાર
| ← છેલ્લી સલામ | બાપુનાં પારણાં તારાં પાતકને સંભાર ઝવેરચંદ મેઘાણી ૧૯૪૩ |
અંતરની આહ → |
તારાં પાતકને સંભાર મોરી મા !
રે હિન્દ મોરી મા !
પોતાના પાપભારે પોતે તું ચેપાણી
એવી કાળજૂની જુલમકમાણી હો મા !
રે હિન્દ મોરી મા !
પરને પટકીને નીચાં ઊંચી તું કે'વાણી !
આખર અંગે અંગે આપેથી છેદાણી હો મા !
રે હિન્દ મોરી મા !
તારે મંદિરિયે આજ કોનાં ચાલે શાસન,
જો જો દેવ કે અસૂરનાં એ આસન હો મા ! ૧૦
રે હિન્દ મોરી મા !
આભામંડળ લગ એનાં શિખર ખેંચાણાં,
એના પાયામાં તુજ છોરૂડાં ઓરાણાં હો મા !
રે હિન્દ મોરી મા !
પાયા હેઠળથી આજે હાહાકાર જાગે, ૧૫
ભૂખી ધરતી નવલા ભોગ ભારી માગે હો મા !
રે હિન્દ મોરી મા !
તારો ધૂરીધર આજે સમાધ ગળાવે,
તારા ઈશ્વરને આહુતિ એવી ભાવે જો મા !
રે હિન્દ મોમારી મા ! ૨૦
તારા દેવળના ઘોર ઘુમ્મટ ઊંચા તૂટે,
જેને છુદ્યાં'તાં તે જાગી તુજને લૂંટે હો મા !
રે હિન્દ મોરી મા !
સાંભળ સાંભળ હો બહેરી ! ભાવિના ભણકાર;
તારા ભોગળ-ભીડ્યા ભાંગે ઠાકરદ્વારા હો મા ! ૨૫
રે હિન્દ મોરી મા !
એની ચિરાડે જોતો અવધૂ એક ઝૂરે,
અંદર પોતાનાં શોણિત ને હાડ પૂરે હો મા !
રે હિન્દ મોરી મા !
એ રે પૂરણહારાને પૃથ્વી કેમ ખોશે, ૩૦
ભૂંડી ! એ મરશે તો જીવન કોનાં રે'શે હો મા !
રે હિન્દ મોરી મા !
તારાં પાતકને સંભાર મોરી મા !
રે હિન્દ મોરી મા ! ૩૪