રસિકવલ્લભ/પદ-૧૯

by દયારામ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← પદ-૧૮

રસિકવલ્લભ પદ-૧૯ દયારામ

પદ-૨૦ →

<poem>

પદ ૧૯ મું અન્ય દેવો સાથે ભગવાન્‌ની સરખામણી

જેહનું આપ્યું ન જાય કદાપિજી, અચલિતપદ ધ્રુવ અદ્યાપિજી; 'શરણ પડ્યો છું?' સાચું ભાખેજી, તેહને હરિનિજસમ કરી રાખેજી. ૧

અભય અચળ દાતા હરિ એકજી, એ બળ ન મળે દેવ અનેક્જી; 'કૃષ્ણ મારો કહે' એક વારજી, સહજ હરિ દે સુખ ભંડારજી. ૨

ઢાળ ભંડાર સુખ એટલાજમાં, ઊગ્રસેન વિભીષણ પામિયા; કહે ભેટ્ય સાધન શાં કર્યા, દુઃખ સદ્ય સઘળાં વામિયાં. ૩

શિવ બ્રહ્માદિક સુર આરાધે, મહાકષ્ટ કરિ કદી કોઇ; કે તુચ્છ્ય ફળ તે પણ અનિત્ય વિચારી જો મન સોઈ. ૪

વર હિરણ્યકશ્યપ હિરણ્યગર્ભથી, પામ્યો નરહરિએ મારિયો; જન જાણિ પોતાનો વિધાતા ક્યમ ન આવી ઉગારિયો? ૫

શિવ સેવક રાવણ બાણાસુર, હરિ હણ્યો છેદ્યા હસ્ત; શંકર થકી શું નિપન્યું ? વર વૈભવ પામ્યા અસ્ત. ૬

જડભર્ત હરિજન તેજ સહન, થયું ન શક્તિ ફાટી, નિજ કરે નિજ કિંકર હણ્યા, થઈ ગયો શ્રમ સહુ માટી. ૭

ઇત્યાદિ અમર નશ્વર ફળ અવળું પડે ક્ષણમાંય: જન દયાપ્રીતમ કૃષ્ણવણ સુખરૂપ સઘળું ક્યાંય. ૮

(પૂર્ણ)