રસિકવલ્લભ/પદ-૪૪

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૪૩ રસિકવલ્લભ
પદ-૪૪
દયારામ
પદ-૪૫ →


<poem>

પદ ૪૪ મું

દીપકના દૃષ્ટાંતમાં ગુરુએ દેખાડેલા દોષ દીપની કાંતિ રહિ હોય ફેલીજી, લઇએ તેહને ઘટ સંકેલીજી; દીપકને કશી હાનિ ન આવેજી, ન્યુનાધિકતા કાંતિને કહાવેજી. ૧ ઉપમા ને ઉપમેય કથનજી, ન ઘટે એક બ્રહ્મ અનંતજી; વળી કહ્યો ત્રીજો દ્વંદ્વ વિયોગીજી, તે ક્યમ હોય બ્રહ્માનંદ ભોગીજી? ૨

ઢાળ

એક ભોગી ને વળી ભોગ વસ્તુ, બે વિમાશી જોય; જો એક તો આનંદ અનુભવે, તેહને ન મળે કોય. ૩

જીવ-બ્રહ્મની એકતાનું ખંડન

અદ્વૈત બ્રહ્મ અરૂપથી, પૃથક્ ના હોય પ્રકાશ, જો ધર્મીને માયા અડે તો, સ્વરૂપનો હોય નાશ. ૪

કહે જીવ બ્રહ્માની એકતા, જાણવો અજ્ઞથી અજ્ઞ; છે જીવ તો અલ્પજ્ઞ નિત્યે બ્રહ્મ છે સર્વજ્ઞ. ૫

વળી જીવ તો છે અનીશ્વર ને, ઈશ્વર છે પરબ્રહ્મ; તે ઉભયની એકતા, વિદ્વજ્જન કે કહો ક્યમ. ૬

અણુ જીવ કર્માદિક વશ ભોગવે વિવિધ ક્લેશ છે મહદ્બ્રહ્મ સ્વતંત્ર આનંદ કર્માદિક નહિ લેશ. ૭

પડે સ્વર્ગ નરકમાં જીવ એ, સંસૃતિ વારંવાર; જન દયાપ્રીતમ કૃષ્ણભક્તિ કરે પામે પાર. ૮ -૦-