વેણીનાં ફૂલ/લીલો રંગ

વિકિસ્રોતમાંથી
Jump to navigation Jump to search
← કાળુડો રંગ વેણીનાં ફૂલ
લીલો રંગ
ઝવેરચંદ મેઘાણી
૧૯૨૮
પીળો રંગ →


[ ૩૨ ]


લીલો રંગ


હાં રે મને મીઠો છે
મેહૂલાની વ્હાલી વનરાઈ તણો લીલૂડો રંગ,
હાં રે બીજો મીઠો છે
સૂડલાની પાંખે ભરીયેલ છેલ લીલૂડો રંગ.

હાં રે એક મીઠો
ભાભીની કાંચળીનો પાકો સુંવાળો લીલૂડો રંગ,
હાં રે બીજો મીઠો
વીરાની આંટીયાળી એ પાઘડીનો લીલૂડો રંગ.

હાં રે એક મીઠો
મહાસાગરે ભરેલાં પાણી તણોય લીલૂડો રંગ,
હાં રે બીજો મીઠો
કણબીને વાડે ઝૂલંતી શેરડીનો લીલૂડો રંગ.

હાં રે મને મીઠો
પ્રભુજીની પીંછી કેરી રંગેલ સર્વ લીલૂડો રંગ,
હાં રે એક કડવો

કો નાગણીના હૈયાનો ઝેર તણો લીલૂડો રંગ !