લખાણ પર જાઓ

હાલરડાં/નંદકિશોર

વિકિસ્રોતમાંથી
← ઘોઘર આવ્યા હાલરડાં
નંદકિશોર
ઝવેરચંદ મેઘાણી
પારણિયામાં પોઢ્યો →


​

નંદકિશોર

નંદકિશોર રે નંદકિશોર,
⁠ઝૂલે પારણિયે નંદકિશોર

સોનાના મોર ઝૂલે નંદકિશોર
⁠પ્યારાને પારણે સોનાના મોર.

કોઈ રે કાનાને નેણે સારો કાજળિયાં,
⁠ફરતી મેલાવો રૂડી કસુંબલ કોર. – પ્યારાને૦

હીરા માણેક તો જડિયાં પારણિયે,
⁠બાજુ શોભે રૂડી મોતીડાંની કોર. – પ્યારાને૦

સોનાનાં સોગઠાં રૂપાનાં રમકડાં,
⁠કાનો કરે છે માંહીં મીઠા કલ્લોલ. – પ્યારાને૦

હેતે કરીને ગોપી હરિને ઝુલાવે,
⁠હાથે શોભે છે રૂડી હીરલાની દોર. – પ્યારાને૦

બ્રહ્માનંદ કહે ખમા રસિયા વાલમને,
⁠અવિચળ રહો રાધાકૃષ્ણની જોડ. – પ્યારાને૦