આ તે શી માથાફોડ !/૧૭. કોણ ખોટા બોલું ?

by ગિજુભાઈ બધેકા

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← ૧૬. બાએ મને મારી

આ તે શી માથાફોડ ! ૧૭. કોણ ખોટા બોલું ? ગિજુભાઈ બધેકા

૧૮. એ બા, ધોવરાવને ? →

"સમરથ કાકી, ચપટી ચણાનો લોટ છે કે ? મારી બાને કઢીમાં નાખવો છે."

"બાપુ, લોટ તો કાલનો થઈ રહ્યો છે; એક ચપટીયે નથી."

લક્ષ્મી કહે: "બાડી, ઓલી પાલીમાં થોડોક પડ્યો છે ને !"

"રાંડ એટલો તો આપણે જોવેને ? આજ કઢી શેણે કરાશે ?"

"પણ ત્યારે નથી એમ શું કામ કીધું ?"