આ તે શી માથાફોડ !/૫. મારી બાને ખબર ન પડે, હો !

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← ૪. બાળકની દ્રષ્ટિએ કાગા લઈ ગ્યા ! આ તે શી માથાફોડ !
૫. મારી બાને ખબર ન પડે, હો !
ગિજુભાઈ બધેકા
૬. પણ મારી બા ને કહે ને ! →


“એલા કાનજી, શું ખાય છે ?”

“એ તો મમરા ખાઉ છું.”

“મારો ભાગ આપને ?”

“મારી બાએ ના પાડી છે.”

“શું કામ ના પાડી છે ?”

“કાલે તારી બાએ મારી બાને મેળવણ ન આપ્યું એટલે.”

“પણ હું તો તને ભાગ આપું છું ને ? હું ક્યાં ના પાડું છું ?”

“લે ત્યારે મારી યે ના નથી. પણ મારી બાને ખબર ન પડે હો ! ખબર પડશે તો વઢશે ને કહેશે કેઃ 'ના પાડ' તી ને શું કામ આપ્યા ?”

*