આ તે શી માથાફોડ !/૯૦. મને લાગી ગયું
| ← ૮૯. બાને નથી ગમતું | આ તે શી માથાફોડ ! ૯૦. મને લાગી ગયું ગિજુભાઈ બધેકા |
૯૧. એ... પણે બાપુ આવે → |
: ૯૦ :
મને લાગી ગયું
❊
મને લાગી ગયું
નાની વિદુ રડવા લાગી
“કેમ શું છે બેન ? કોણે લગાડ્યું ?”
“કહે તો ખરી, કોણે માર્યું ?”
વિદુ રડતી હતી.
ચિડાઇને બાએ કહ્યું: “આ છેને ચંપલી, એણે માર્યું હશે.”
બાપાએ ઉમેર્યું: “ચંપલીની ટેવ જ એવી છે. જો કોઇ દિ' વિદુને હાથ અડાડ્યો છે તો !”
બાએ ચંપા સામે હાથ ઉગામ્યો: “જો આ ચંપા છે જ એવી !”
વિદુએ રડવું અટકાવી કહ્યું: “બા, ચંપાએ મને નથી માર્યું; એ તો એનાથી મને લાગી ગયું. ચંપાનો વાંક જરા યે નથી.”