ઓખાહરણ/કડવું-૭૫

વિકિસ્રોતમાંથી
Jump to navigation Jump to search
← કડવું-૭૪ ઓખાહરણ
કડવું-૭૫
પ્રેમાનંદ
કડવું-૭૬ →


કડવું ૭૫મું
શ્રીકૃષ્ણને બાણાસુરના બધા હાથ છેદે છે
રાગ : ઢાળ

એવી વાણી સાંભળતાં, કોપ્યા દીનદયાળ;
બાણાસુરના હાથ છેદ્યા, સ્વામી શ્રી ગોપાળ. ૧.

કોપ કરી કરશસ્ત્ર મેલ્યું, વળતું તેણી વાર;
બે હાથ રહ્યા છે બાણાસુરને, તેનો કહું વિસ્તાર. ૨.

રુધિર વહે છે બાણાસુરને, મન થયો નિરાશ;
મહાદેવજીએ હાથ આપ્યા, માટે ગયો કૈલાશ. ૩.

નારદ ચાલી આવિયા, જ્યાં બાણાસુરની માંય;
તારા કુંવરના હાથ વાઢિયા, કહો શી વલે થાય ? ૪.