કલાપીનો કેકારવ/વ્હાલાં

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← મ્હારો ખજાનો કલાપીનો કેકારવ
વ્હાલાં
કલાપી
જેને વીતી ગઈ  →


વ્હાલાંને વ્હાલાંની પીડા !
લૂછાતા અશ્રુ એ ક્રીડા !
મ્હારાં ત્હારાં : ત્હારાં મ્હારાં :
          એ દુખડાં સુખડાં સુખડાં !

મ્હારાં તો દુ:ખ સૌ મ્હારાં છે !
વ્હાલાંને સુખ સૌ વ્હાલાં છે !
ટેવાયાં જોવાને એ તો
          મ્હારાં દુખડાં છે !

ટેવાયાં ના લાગે કૈં !
ટેવાતાં હસવું જાગે કૈં !
મ્હારે તો રોવું ને રોવું,
          જૂનું તાજું કૈં !

વ્હાલાં ! ટેવ મ્હને એ બાઝી !
ધોખાની વ્રીડા સૌ દાઝી !
ત્હોયે આ દાવા ધીખે તે
          ખોટી છે બાજી !
         
 

(૨૪-૫-૯૮)