દીનાનાથની ઢાળો/ઢાળ ૫મી
| ← ઢાળ ૪થી | દીનાનાથની ઢાળો ઢાળ ૫મી કેશવલાલ ભટ્ટ |
ઢાળ ૬ઠ્ઠી → |
(ઢાળ ૫ મી)
મારી લાજ તમારે હાથે, નાથ નિભાવજો રે;
દિનાનાથ દયાળ દયા, અદ્ભૂત દર્શાવજો રે. એ ટેક.
સંકટથી સોસાઉં મુરારી, લેજો અંતર્યામી ઉગારી;
હવે ગયો છું હારી, બાપ બચાવજો રે. મારી૦ ૧
કર્મ કઠણ માઠા ગ્રહ બેઠા, હાથ પડ્યા છે હમણા હેઠા,
પરમેશ્વર ક્યાં પેઠા, પણ પરખાવજો રે. મારી૦ ૨
અહિત અને હિતમાં અણસમજુ, કૃત્યાકૃત્ય વિષે શું સમજું;
ભજું તજું શું માધવ, માર્ગ બચાવજો રે. મારી૦ ૩
કેશવ હરિ હેતે સંભારું, પ્રભુ પદ હોય હજી જો પ્યારું;
મંગલ કરવા મારૂં, અંગદ આવજો રે. મારી૦ ૪