ન્હાના ન્હાના રાસ/ગોવાલણી
| ← વન | ન્હાના ન્હાના રાસ - ભાગ ૧ ગોવાલણી ન્હાનાલાલ કવિ |
વીરાંગના → |
૨૭
ગોવાલણી
ડૂબે સૂર્ય ધીમે ધીમે, ગોવાલણી રે લોલ !
નમે તારા લૂમે લૂમે, ગોવાલણી રે લોલ !
ત્હમારાં અમૃત સમાં મ્હૈડાં, ગોવાલણી રે લોલ !
ત્હમારાં ચન્દ્ર સમાં હૈડાં, ગોવાલણી રે લોલ !
ઘાડી ઝાડીઓના ઝુંડો, ગોવાલણી રે લોલ !
ત્હમારો રાગ ઉડ્યો ઊંડો, ગોવાલણી રે લોલ !
તેજ આંખમાં પૂરાયું, ગોવાલણી રે લોલ !
મ્હને મધુરૂં શું પાયું, ગોવાલણી રે લોલ !
